شئ محزن..ان الرسول صلى الله عليه وسلم يوصينا بأن أحق الناس بحسن صحابتتا هي الأم.. وتلاقي ابن او بنت بيعنفوا أمهم..كأنها خدامة عندهم.. انتي لسه ماطبختيش؟؟ انتي مابتعرفيش تغسلي..مابتعرفيش تنضفي.. مابتعرفيش تلبسي.انتي مش أم. ده منظر غسيل؟ ده منظر مواعين؟؟ اسكتي انتي ماتتكلميش؟ .... الخ.. تعنيف..ومابيتقال لهاش حتى كلمة طيبة..ونظرة الحزن في عنيها والدمعة اللي كاتماها من كل كلمة ولادها بيطعنوها بيها. ماحدش في الدنيا هيعرف ايه اللي الأم مرت بيه عشان الابن او البنت دول يبقوا كبار ومحترمين.. ماحدش حس بحملها.الحموضة وضيق النفس والقىء وغيره وغيره.. ولا حد حس بلحظة ولادتها والطلق والألم ولا التشريح في الجسم زمان عشان القيصري.. ولا المغص والسهر 24 ساعة بدون نوم وبكاء متواصل منهم بسبب المغص ومطلوب تشيل وترضع وتغير وتنضف وتطبخ وماتنامش! ولا قلق التربية والمدارس والامتحانات.. ولا القلق لو الولاد اتأخروا شوية.. اندموا لو كلمتوها في يوم بشكل وحش..اندموا على احساسكم اللي مات وقلبها اللي كاسرينه ..اندموا على تكبركم عليها ونسيتوا أصلكم لما كنتم مجرد قطعة لحم.. لما كان خروج بس الغازات من بطنكم ألمكم الأكبر.. اندموا على عقوقكم ليها.. اندموا واستحوا من نفسكم.. وهتبقى ديما تاج على الراس فوق كل حاجة وأي شىء..حتى لو ماشفتوهاش كده..وقيمتها عمركم ماهتحسوا بيها الا لو ضاعت منكم. صلحوا اللي فات اصل لو طلبتوا السماح هتبكي وتقول انا مسامحة ..انا مازعلتش..وهتنسى كل حاجة.. ولو ربنا توفاها اعملولها صدقة جارية ودعاء هادوها بيه.. اللهم اجعل أمي سيدة من سيدات الجنة ياارب هي وجميع أمهات المسلمين والمسلمين والمسلمات واجمعنا بالفردوس الأعلى يارب..
تعليقات: 0
إرسال تعليق